ھارتی کرکٹ بورڈ (بی سی سی آئی) نے چیمپئنز ٹرافی میں شاندار فتح کے بعد اپنی ٹیم کے لیے ایک بڑے نقد انعام کا اعلان کر دیا ہے۔ بی سی سی آئی کے مطابق، چیمپئنز ٹرافی جیتنے پر بھارتی ٹیم کو 58 کروڑ بھارتی روپے دیے جائیں گے۔
بی سی سی آئی کا کہنا ہے کہ یہ انعامی رقم ٹورنامنٹ میں حصہ لینے والے کھلاڑیوں، کوچنگ اسٹاف، انتظامی عملے اور سلیکشن کمیٹی کے اراکین میں تقسیم کی جائے گی۔ یہ اقدام ٹیم کی محنت اور کامیابی کو خراج تحسین پیش کرنے کے لیے کیا گیا ہے۔
واضح رہے کہ اس سے قبل پاکستان کی میزبانی میں کھیلی جانے والی چیمپئنز ٹرافی میں فتح پر انٹرنیشنل کرکٹ کونسل (آئی سی سی) کی جانب سے بھارتی ٹیم کو 22 لاکھ 40 ہزار ڈالرز کی رقم دی گئی تھی۔ رنر اپ ٹیم نیوزی لینڈ کو 11 لاکھ 20 ہزار ڈالرز کی انعامی رقم ملی تھی۔
چیمپئنز ٹرافی کا فائنل 9 مارچ کو نیوزی لینڈ اور بھارت کی ٹیموں کے درمیان کھیلا گیا تھا، جس میں بھارتی ٹیم نے نیوزی لینڈ کو 4 وکٹوں سے شکست دے کر ٹرافی اپنے نام کی تھی۔ بھارتی کھلاڑیوں کی شاندار کارکردگی نے نہ صرف ملک کا نام روشن کیا، بلکہ انہیں بی سی سی آئی کی طرف سے بھاری انعامی رقم سے بھی نوازا گیا ہے۔
یہ فیصلہ بھارتی کرکٹ بورڈ کی جانب سے کھلاڑیوں کی محنت اور لگن کو سراہنے کی ایک کوشش ہے، جس سے نہ
